«Snake. ֆրանսիական ֆուտբոլի օձը». Newmag-ը ներկայացրել է ֆրանսահայ ֆուտբոլիստ Յուրի Ջորկաեֆի ինքնակենսագրականը

Newmag-ը հրատարակել է ֆրանսահայ ֆուտբոլիստ Յուրի Ջորկաեֆի՝ «Snake». Ֆրանսիական ֆուտբոլի օձը» ինքնակենսագրականը: Գիրքը ֆրանսերեն լույս է տեսել 2006-ին, իսկ հայերեն տարբերակն առաջին թարգմանությունն է այլ լեզվով:

Գիրքը պատմում է ֆուտբոլիստի մասին, որն իր կյանքն անցկացրել է գնդակի հետ, սակայն չի դադարել ընդլայնել իր մտահորիզոնը: «Snake. Ֆրանսիական ֆուտբոլի օձը» սպորտային բեսթսելլերը Ջորկաեֆը գրել է ֆրանսիացի սպորտային լրագրող Առնո Ռամսեի հետ:

«Այս գրքում նա պատմում է իր հայկական արմատների մասին, խոսում «Մոնակոյից», «ՊՍԺ»-ից, «Ինտեր»–ից, Գերմանիայում և Անգլիայում անցկացրած տարիներից: Ես զրուցեցի նաև նրա հոր՝ Ժան Ջորկաեֆի հետ, գրքում շատ ենք խոսել նաև Հայաստան այցի մասին, երբ Ֆրանսիայի հավաքականը 1999-ին մեկնեց Երևան՝ Հայաստանի հետ խաղ անցկացնելու համար: Յուրին ինձ պատմեց ՀՀ նախագահի հետ հանդիպման մանրամասները, որի ժամանակ նրան տվել են Հայաստանի անձնագիր և պատվավոր քաղաքացու կոչում»,- պատմեց Առնո Ռամսեն:

Ֆուտբոլիստը գրքում պատմում է իր կարիերայի սկզբի, Եվրոպա տեղափոխվելու սկանդալների, նյու-յորքյան երազանքի, ծագման, արմատների, նախապապերի մասին: Իր ինքնակենսագրականում Ջորկաեֆը բացատրում է, թե որտեղ և ինչու է ստացել «Snake» մականունը:

««Snake» մականունը լավ էր բնութագրում նրա խաղը: Մրցակցի տուգանային հրապարակում Յուրին արագ էր տեղաշարժվում ու անհավանական հետագծով հարվածներ ուներ»,- նշել է 1990-ի աշխարհի չեմպիոն Յուրգեն Կլինսմանը:

Ջորկաեֆը գրքում հատուկ անդրադարձել է Հայաստանին ու Հայաստան կատարած այցերին, պատմություններին, հիշողություններին: Հայաստանը նա համարում է իր երկրորդ հայրենիքը, իրեն կոչում՝ հայ-ֆրանսիական ֆուտբոլի դեսպան:

Ջորկաեֆը Հայաստան այցելում է գրեթե ամեն տարի, մասնակցում բարեգործական և սպորտային միջոցառումների: Այս ինքնակենսագրականը ուղերձ է սփյուռքում ապրող հայ մարզիկների համար, թե ինչպես կարելի է հաջող կարիերային զուգահեռ չմոռանալ արմատների մասին:

Tert.am

«Snake. Ֆրանսիական ֆուտբոլի օձը». Ջորկաեֆի ինքնակենսագրականն արդեն կա հայերեն

October 1, 2019

«Պոպուլիզմն արտաքին քաղաքականությունում». Ամերիկյան համալսարանում քննարկել են NewMag-ի հրատարակած քաղաքագիտական բեսթսելլերը

October 1, 2019